أنات ...................... لذيذة

مهما خدتنى المدن وخدتنى ناس المدن
.. دايما صورتك فى قلبى دليلى فى المدن
اطوى المدن واجيكى .. عطشان لنور عنيكى
وارمى روحى عليكى تطبطبى وتضمى
مابحسش بالبراح ده الا فى قلبك يا امى
ايوا فى قلبك يا امى
كبرت وكل ما اكبر يكبر حبك فى قلبى
يكبر وانا ليا غير
وطنى وانتى وربى
ولما اعود اليكى وابوس على ايديك
انسى المدن يا امايا
وارمى روحى عليكى
تطبطبى وتضمى
امى يا حبيبتى انتى
طول عمرك طايره بيا
امى
وكأنك اتخلقتى علشان تخافى عليا
طول ما انتى عايشا ليا يا نبع من الحنان
لو ضاق الكون عليا ليا فى قلبك مكان
وارمى روحى عليكى تطبطبى وتضمى
مهما خدتنى المدن وخدتنى ناس المدن
.. دايما صورتك فى قلبى دليلى فى المدن
ما اعذب هذه الكلمات التى تغنى بها عماد عبد الحليم لامى انا .. هذه السيدة التى نمت وترعرت فى ريف الصعيد والتى لا مثيل فى حياتى لها .. اليوم 21 مارس عيدها ولها فى وجدانى كل يوم عيد .. بل كل لحظه تمر على هذا الكيان الصامد ابدا صورة ومعنى فى قاع القلب واوله .. انها ولا شك ربيبة الحسن ومعنى الحياة .. دعواتى لها ان تنعم بالصحة والسعادة والرضا .. ودعواتى ان استطيع ان اقدم لها العمر فداءا ويا ليتها تقبل
---
اللحظات الممتعة فى حياتنا اشبه بسحابة صيف .. ننتظرها ونتمناها .. وعندما تأتى ننعم بظلها ونسيمها ونرقب قطرات قد تسقطها علينا فتزداد النشوة وان امطرت تراقصت الارض تحت اقدامنا طربا وفرحا بالارتواء والسقيا وتوديع الجفاف .. نعم ان الحياة بغير بهجة جافة ومستعصية على العيش .. كئيبة بدون يقين ثابت فى غد مشرق .. هذا الغد الجميل لا يأتى هباءا ولا يكون جميلا الا بايماننا نحن انه ات من صنع الرحمن وكونه ات من صنع الرحمن يجعلنا نثق انه ات بكل صفاء وبكل الخير الذى نحب
---
رعشة قلب تنتابنى بين لحظة واخرى .. الا انها نادرا ما تأتى .. وعندما تأتى لا احب فراقها ابدا .. تلك اللحظات التى اسعد فيها بالرضا فيهتز وجدانى طربا واسجد لله شكرا وحمدا ان وجدتى انتى فى هذا العالم الغاضب ابدا
---
هل مر طيفك ام انى احلم .. هل هذا هو شكلك ام انى ما عدت ابصر .. ارجوك لا تأتى هذا المساء فقد اعيانى السهر والارق وكثرة التفكير فى لحظة رحيلك .. انت ان لم تأتى اصلا ارتاح قلبى فى مسكنة وظل حبيس الامل وهذا افضل من ان يظل حبيس لوعة الفراق
---
ذكراك عرس المجد لم يكسر له دف ولم يحطم له مزمار .. كلمات من شعر فديم قيل فى مدح صاحب جاه وسلطان .. استعرتها من اجلك فذكراك بحق عرس لحياتى ومجد لذاتى وهذا العرس لم ولن ينفض سامره ابدا فمن ذا الذى يكسر له دفا او يحطم له مزمار ؟؟ وانتى من انتى فى اخر القلب واوله وفى قاع العين واعلاه وعلى اول الاحرف منقوش اسمك وشىء من شكلك
---
من منا لم يحب ..؟؟ كنت اظن انه انا .. ولكنى اكتشفت ساعة رحيلك انى ما عشت الا بالحب الذى ارتحل يوم قبرت هواك من فرط الالم والاشتياق ..
---
أه .. أه لو قابلتك من زمان .. كانت حياتى اتغيرت ..... من كلمات اغنية من زمن الفن الجميل .. ولكننى اسمعها فى قلبى فى داخلى ولا انطق بها ابدا .. فدائما ما تصادفنى البهجة وقد فات الميعاد ... كيف لا ادرى.. فقط احاول ان اسمعها من اذنى وتستمر الحياة
---
حكاية كل عاشق .. كلمات اغنية تقول .. اول مشورنا ضحكة عاشت فوق الشفايف ترسم قلبين وتكتب حرفين فوق الشجر .. اخر مشورنا دمعة بتقول للحب شايف احلامنا ازاى بتصبح لعبة فى ايد ( القدر )..وهنا انا اقول ( البشر ) وليس القدر .. احلامنا بتصبح لعبة فى ايد البشر .. عمر الاقدار ما كانت لعبة .. او مجرد هوى والعياذ بالله .. وهيه دى حكايتك يا قلبى
---
ابن الدهاشنة انا .... مفتون بالحب والفطرة .. مفتول بالصخر والعسرة .. الواد ابو قلب اخضر .. معصور فى جردل بارود بيشرب لوحده منه عتريس لغاية الحدود .. فؤاده فى السطر نقطة .. وكل الكتاب جلمود
---
فكرت كتير بالعقل وبالقلب واحترت اكتر بين الاثنين وكان السؤال الواضح جدا فى الاول وقبل اما اوصل للنهاية هوه .. راح يحصل ايه اما تفارق حبيبك وبعدين تفارق يعنى ايه ؟ مش فيه فراق بالمرة ولا يمكن يكون اللى فى القلب ساكن جوه واللى على البر اهو برة .. طب والموت .. الموت علينا حق .. مش فية فراق بالموت .. الموت مش ممكن يخلينا نفارق احبائنا .. الفراق الحقيقى بقى وبجد هو اما احنا بندى بوز لبعض .. اما احنا اللى بنخاصم ونهجر .. ونبعد عن بعض اما تقولى انتى مش تلزمنى يا ........ كلام قلناه بالبلدى كده وبسرعة وخد معاه كل الكلام ده وبرضه فارق
---

النقط دى مش من فراغ يا ريت تقرأ اللى فيها .......................

ريت تسمع وتشوف اللى مش ممكن اقوله حتى بين السطور .. كانت حلوة وحدوتة .. كتبت كده ومشيت .. زمانها كبرت وبقت ام .. زمانه ماشى الخطوة يضم .. يئن .. يجن .. انا دلوقتى بقولها

سطرين واكتر من النص شويه .. لو ترجعى تانى راح يبقوا مية ..................